- Tilbodet er gammalt, men samarbeidet er heilt nytt. Eg trur det vil gi arbeidet eit nytt løft, seier regionskonsulent for Redd Barna Kristiansand, Rune Stormark.

Edmund Birkedal er frivillighetskoordinator i Kristiansand Røde Kors.

-Vi ser eit stort behov for slikt arbeid i Kristiansand. Vi ønskjer difor å bidra med våre frivillige i dette, seier Birkedal.

- Det er kort fortalt ei sosial greie, der dei får gjere normale aktivitetar. Det kan vere brettspel, pizza, kino, teater eller uteaktivitetar, seier Stormark.

Målet er å betre integreringa av asylsøkarane i byen.

- Å bu på asylmottak kan vere tøft og tungt. Vi ønskjer å komme inn med hjelp i denne fasen, og gi dei eit verdig liv og ein lysare kvardag, seier Birkedal.

[img33338_2RS]Samarbeid

Begge partar er positive til samarbeidet, og trur det å stå saman gjer ein sterkare i arbeidet for integrering av asylsøkarar.

- Vi får fleire frivillige å spele på, noko som gjer at vi får moglegheit til å utvide arbeidet. Vi vert meir fleksible og kan ha fleire aktivitetar. Det vert også lettare å reise ut på større utflukter, seier Stormark.

Initiativet kom frå Røde Kors. Dei ønskte å gi barn og unge på asylmottak eit fritidstilbod, men fekk beskjed om at Redd barna allereie hadde eit slikt tilbod. Dei bestemte seg for å slå seg saman.

Trur på engasjement

- Vi har lenge hatt problemer med å skaffe frivillige flyktningeguidar, spesielt menn, seier Birkedal.

Men frivillighetskoordinatoren trur det vert lettare å få frivillige til dette tilbodet.

- Eg trur folk ser at det kan vere tøft for barn å vere på asylmottak. Det er ein vanskeleg fase i livet, avsluttar han.