- Det er ein skulptur av to av barnebarna mine. Det er dei som har vore både modellane og inspirasjonen for skulpturen.

Dette fortel kunstnaren sjølv, Marit Krogh. Ho har brukt det siste året på prosessen med å skape skulpturen.

- Det var ein dag for fleire år sidan no. Eg såg eit av barnebarna mine ete den fyrste isen sin, og uttrykket var heilt nydeleg.

Leiaren for Hennig-Olsen fortel sjølv under avdukinga, at skulpturen var ei bestilling frå dei med grunnlag i 100-årsjubileet deira.

Oppmøtet var godt, med fleire journalistar tilstades og sjølvaste ordføraren hadde ein eigen liten tale før avdukinga. Det var omtrent hundre personer på avdukinga .

I tillegg var det fleire barnehager som var med under seremonien. Barna var nok mest opptatte av at dei fekk is på slutten. Lykkebrølet, som nærmast fekk lufta til å dirre i det barna innsåg at dei fekk is, fikk fleire til å trekke på smilebandet.

Ordføraren understreker viktigheita av Hennig-Olsen is som aktør i Kristiansand.

- Dette er ein viktig del av kulturen vår. Noko som kan bidra i næringslivet med verdiskaping og meir arbeidsplassar, men også på ein meir privat basis ved å gi god mat til folk, fortel ordføraren under avdukinga.

Is handlar ikkje kun om is altså. Hennig-

Olsen er ei 100 år gammal bedrift og man kan godt seie det er ein del av kulturlivet i Kristiansand på dette punktet. Å kunne kose seg med is på slike varme dagar som det er no, er ein luksus vi har.